Povratak na pocetnu stranu
Početna    |    Vijesti    |    Linkovi    |    Kontakt    |    English

Vijesti

Stigao "Vagabundo" i Goran Karan: "Došli smo s guštom, sviraćemo i pivat kako publika hoće

Uoči večerašnjeg nastupa u Herceg Novom, dalmatinski slavuj, Goran Karan, stigao je nešto poslije 12 h sa svojim "Vagabundo" bendom i menadžerkom u Institut Igalo, gdje će boraviti do sjutra ujutru.



Iako malo umoran od puta, ali sa beskrajnom pozitivnom energijom i čuvenim dalmatinskim šarmom, u kratkom intervju za Radio Jadran priča da sa velikim nestrpljenjem očekuje večerašnji koncert. Veoma ga raduje činjenica da se od same najave koncerta tražila karta više.
Kuriozitet je, kako kaže, da je nastupao na Sunčanim skalama, čest je gost crnogorskih hotela na primorju, ali da se tek sada ukazala prilika da svoju publiku ovdje počasti dvosatnim koncertom.
"Veoma mi je drago što sam tu i što imam priliku da se publici obratim duže od onih 3-4 minuta koliko traje pisma ono: tu se "iskrcaj", "napad" i bižmo ća, a bilo je i takvih situacija. Neman u planu pisme koje ćemo svirat noćas, jer mi nudimo samo golosrce pisme. Takav planirani "napad" mi se čini previše jednoumno, znate ono ka' sa' ćemo mi svirat ovako, pa će publika reagirat sigurno onako, pa ćemo mi onda ovo ili ono.... Potrebno je samo da publici bude odlično, a kako će bit ne znan ni ja sam. Iman naravno pjesama koje ljudi vole i koje se moraju odsvirat, tako da ipak ne mogu reć da baš ne znan ništa", dodaje uz osmjeh šarmantni Splićanin. Uglavnom, sviraće kako publika bude htjela", obećava Karan.
"Mi čak u posljednje vrime i ne silazimo s bine, nego ja pitan i kažen, znate mi smo malo stariji, pa sad dok se mi odvućemo s bine i vratimo nazad, 'oćete li vi da mi odma nastavimo svirat, i to je ta priča."
Karan dodaje da ranije nikada nije bio na "Prazniku mimoze," jer je jednostavno neki splet okolnosti "diktirao" da uvijek bude na nekom drugom mjestu i ima koncert u nekom drugom gradu. Ipak, nježnu mimozu zna kao cvijet intenzivnog mirisa i boje, ali:
"I sad ja stvarno ne znan zašto ste vi zvali draču da van piva, jer nismo ti mi više neko cviće. Ali, sad bez šale, stvarno se veselim koncertu i baš smo s gušton došli, da vidimo što će bit noćas. Ne znan ni sam, mada mogu obećat da ćemo se potrudit."
Kad je riječ o diskografiji, iza Gorana Karana je 7 studijskih albuma, nekoliko singlova, brojne nagrade na hrvatskim festivalima, kao i učešće na Eurosongu 2010. sa pjesmom Zdenka Runjića "Ostani".
Ono što njegovu publiku u narednom periodu očekuje je ekranizacija singla "Ako to je sve" sa kojom je nastupio na Zagrebačkom festivalu. Tekst za ovu kompoziciju je sam napisao dok je za muziku bio zadužen Rajko Dujmić iz "Novih fosila". Takođe, u pripremi je mjuzikl "Naša bela štorija", u kojoj će glavnu žensku ulogu imati Severina, Danijela Martinović kao i Đulijano. "I vidiš ti šta san ja mora' uradit da bi "ljubova' sa Sevrinom napisa' mjuzikl, a u iston smo gradu", dodaje harizmatični Dalmatinac.
Nakon kraćeg intervjua, Karanu nije bilo teško i da odsvira na klaviru jednu od svojih kompozicija, a onda nas je uz poziv na koncert ispratio riječima:
"Odosmo položit nekad svoje moćno tilo u zagrljaj kreveta, a kad se probudimo, bićemo odmorni i onda kreće ludilo".
Press konferencija kao i tonska proba benda zakazane su za 18 h u Dvorani Park.

Izvor: Radio Jadran



Back to top
Copyright Turisticka org. Herceg Novi

Privacy Policy
Terms & Conditions of Use
Back to top